最後一集終於抽到隻皇帝，又點估到有一個俾我更強嘅皇帝同場先得㗎，直頭可以叫佢上帝！所以我都唔需要做太多，跟住做就得啦！
閔大人今次策略係非常正確嘅，先跳再嫁禍俾我，好彩我吸收咗上次我屈陸浩嘅經驗，我決定用輕鬆嘅態度去對應。至於最強刺客王一定非 Bella 莫屬！接近冇人懷疑佢嘅情況下令好人陣營互相殘殺，成功勝出！
不過點都好，最緊要都係玩嘅過程。本身上季完咗都無唸過仲有得玩，所以今季對我嚟講已經係 Bonus，如果有好消息，再同大家公佈！
最後，非常多謝你地收睇，尤其係睇埋我幕後花絮嘅你地！始終係小本經營，由拍攝，剪接，聲效，配樂，撰稿，編輯，字幕，等等等等 都係得小貓兩三個人搞曬，對比起上季一星期一次出一條片，今季嘅挑戰可以話係更大。你地每一次點擊，就係我哋嘅動力，有機會嘅可以叫多啲朋友 訂閱同讚好，感謝，有緣再會！
https://youtu.be/a4vfpfUM-cY
Search